Компания қызметінің моделін нақтылау және Қазақстан Республикасындағы Bitbon жүйесін дамытудың жаңа кезеңіне көшу туралы ресми хабарлама

Integration ICN KZ компаниясы серіктестерді, Bitbon жүйесінің Пайдаланушыларын және барлық мүдделі тұлғаларды Bitbon жүйесінің өңірлік инфрақұрылымын дамытудың маңызды кезеңі және Қазақстан Республикасындағы Bitbon жүйесінің Өңірлік операторы жұмысының одан арғы моделін айқындайтын шешімдер туралы хабардар етеді.

08.07.2026 күні ресми жаңалықта біз Қазақстанда Bitbon жүйесінің Өңірлік операторын өрістету жөніндегі бизнес-жоспарды іске асыруға байланысты қажетті нақтылаулар қамтылған қосымша ақпараттың жақын арада жарияланатынын хабарлаған болатынбыз. Осы хабарлама аталған міндеттеменің орындалуы болып табылады.

Integration ICN KZ компаниясының Қазақстан Республикасында қамтамасыз етілген цифрлық активтерді шығару және олардың айналымы саласында Рұқсат алған алғашқы субъект ретіндегі практикалық тәжірибесі бірегей әрі шын мәнінде құнды болды, сондай-ақ маңызды заңдылықты анықтауға мүмкіндік берді: жаһандық ауқымға және ұзақ мерзімді перспективаға есептелген инфрақұрылым әрбір жеке юрисдикцияда тар бейінді салалық реттеу мен құқық қолдану практикасының қалыптасу қарқынына тәуелді болмауға тиіс. Бұл заңдық ұстаным емес, архитектура мәселесі.

Осы тәжірибені ескере отырып, Bitbon жүйесін әзірлеуші ретінде «Симкорд» компаниясы өңірлік инфрақұрылым жұмысында Bitbon бағдарламалық жасақтамасын пайдалану моделін нақтылады. Негізгі өзгеріс Қазақстан Республикасындағы Bitbon жүйесінің Өңірлік операторының одан арғы қызметі цифрлық актив моделіне негізделмейтіндігінде. Оның орнына одан арғы дамудың негізінде әмбебап әрі кеңінен қолданылатын құқықтық конструкциялар бағдарламалық жасақтаманы пайдалану құқығын және цифрлық сервистерге қолжетімділікті ұсыну болады.

Бұл модельді Пайдаланушылар, бизнес және мемлекеттік органдар үшін неғұрлым түсінікті етеді және, ең бастысы, Bitbon жүйесінің инфрақұрылымын оның базалық моделін әрбір нақты елдегі цифрлық активтер туралы арнайы заңнамаға әр жолы бейімдеу қажеттілігінсіз дамытуға мүмкіндік береді.

Bitbon бағдарламалық жасақтамасы Bitbon жүйесінің технологиялық негізінің бір бөлігі болып қала береді. Нақтылауға жататыны  – оның өңірлік инфрақұрылымда пайдаланылу моделі және онымен байланысты мүмкіндіктер мен цифрлық сервистерді ұсыну тәртібі. Бұл ретте Қазақстанда Bitbon жүйесін коммерциялық іске қосуға және өңірлік инфрақұрылымды одан әрі дамытуға белсенді дайындық жалғасуда, алайда оны ұйымдастыру және коммерцияландыру тетігі өзгереді.

Жаңа модель шеңберінде Bitbon бағдарламалық жасақтамасын пайдалану туралы егжей-тегжейлі ақпаратты Bitbon жүйесінің Бірінші операторы Bitbon жүйесінің ресми ақпараттық ресурстарында жариялайтын болады.

2026 жылы Қазақстан Республикасында цифрлық активтер саласындағы заңнамаға енгізілген өзгерістер күшіне енді. Мемлекет осы саланы реттеу тәсілінің өзін қайта қарады: қамтамасыз етілген цифрлық активтердің бұрынғы құқықтық конструкциясы енді қолданылмайды, ал бұған дейін қолданылған рұқсат беру тетіктерінің орнына жаңа реттеу режимдері енгізілді. «Қазақстан Республикасындағы цифрлық активтер туралы» Заңның жаңа нормаларының күшіне енуіне байланысты Integration ICN KZ компаниясына бұрын берілген 29.10.2025 жылғы № KZ31VWS00000002 Рұқсаттың қолданылуы тоқтатыла тұрды.

Бұл ретте Компания цифрлық активтер саласында жаңа рұқсат беру мәртебелерін алуға бастамашылық жасауды жоспарламайды, өйткені Өңірлік оператор қызметінің нақтыланған моделі шеңберінде олар енді талап етілмейді.

Тиісінше, Қазақстан Республикасының аумағында қамтамасыз етілген цифрлық активті шығаруға және оның айналымына тікелей байланысты бұрын жарияланған ұйымдастырушылық-технологиялық іс-шаралар өзектілігін жоғалтады. Бұл өңірлік инфрақұрылымды дамытудың тоқтатылуын білдірмейді. Оны ұйымдастыру тәсілі  жинақталған практикалық тәжірибені және жаңа, неғұрлым әмбебап модельді ескере отырып өзгереді.

Integration ICN KZ компаниясы Қазақстан Республикасындағы Bitbon жүйесінің өңірлік инфрақұрылымын дамыту стратегиясын іске асыруды өңірлік инфрақұрылымды өрістету жөніндегі жұмысты, бизнес-қоғамдастықпен және кәсіпкерлермен өзара іс-қимылды, сондай-ақ жаңа цифрлық экономиканың кәсіби ортасын қалыптастыруға бағытталған Digital Business Hub бағдарламаларын қоса алғанда, білім беру және ағартушылық жобаларды жалғастырады.

Қазақстанда жинақталған тәжірибе Өңірлік оператордың қызметі үшін ғана емес, Bitbon жүйесінің одан әрі халықаралық дамуы үшін де маңызды. Ол іс жүзінде Жүйенің дамуы жекелеген елдердегі арнайы салалық реттеудің өзгерістеріне азырақ тәуелді болып, бағдарламалық жасақтама мен цифрлық сервистерді пайдалануға байланысты Пайдаланушылар мен бизнес үшін түсінікті қатынастарға көбірек сүйене алатын модельді айқындауға мүмкіндік берді.

Біз бұл көшуді Bitbon жүйесін дамытудың келесі кезеңі неғұрлым тұрақты, түсінікті және ауқымдауға болатын модельге көшу ретінде қарастырамыз.

Компания серіктестерге, Bitbon жүйесінің Пайдаланушыларына және барлық мүдделі тұлғаларға түсіністік, қолдау және сенім білдіргендері үшін алғыс айтады.